من هو مدير اول مدرسة طبيه فى العصر الحديث فى عهد محمد على ...؟

                                                  

انطوان كلوت Antoine Barthelemy Clot ) المشهور ب كلوت بيك او كلوت بيه  

ولد فى 7  نوفمبر 1793 ، وتوفى  - 28 اغسطس 1868

كان طبيب فرنساوى اتولد فى " جرينوبل " فى فرنسا سنة 1793 و عاش فترات طويله من حياته فى مصر بعد ماطلب منه محمد على باشا تنظيم الإداره الصحيه للجيش المصرى ، وبقى رئيس أطبا الجيش. اخد لقب " بك " كتكريم لجهوده و صبره.

استطاع كلوت بيك ان يتفوق فى مجال الطب ويحدث نهضه كما حدث فى جميع المرافق

الاجتماعيه و الاقتصاديه و الاصلاحات التى فعلها  محمد علي فى مصر .

عاد كلوت بيك الى مارسيليا سنة 1849 و توفى  هناك سنة 1868.

مدرسة الطب

اسس محمد على مدارس كتيره للطب اولها مدرسة الطب البشرى فى ابو زعبل سنة 1827 ، و  تولى ادارتها الطبيب كلوت بك .

 مدرسة ابو زعبل  تعد هى  اول مدرسة طبيه  فى العصر الحديث فى الشرق كله.

معظم الاساتذه الذين  درسوا فيها  كانوا فرنسيين او أسپان او ايطاليين .

الكتب و المراجع اللى استخدموها  كانت فرنسيه و كانت المحاضرات يتم ترجمتها  الى اللغة العربيه  لتدريس التشريح والجراحه و الامراض الباطنيه وعلم الصحه و الصيدله و الطب الشرعى و الفيزيا و الكيميا ، و تم بناء هذه المدرسه مدرسه اخرى  خاصه بالصيدله ، كان تتبع  مدرسة الصيدله حديقة  لزراعة كل النباتات الطبيه.

و اختارو للمدرسة 100 طالب كان يحصل كل منهم على  مرتب شهرى قيمته 100 قرش بالاضافه الى الاكل على نفقة الازهر.

مستشفي ابو زعبل كانت تضم  ٧٢٠ سرير تم نقل  المدرسه و معها  المستشفي من ابو زعبل للقاهره سنة 1837 و وقع الاختيار على  القصر العينى ليكون المقر الجديد .

مدرسة الدايات

تأسس قسم للولاده و مدرسه للدايات فى المستشفى لكن  وجدوا  صعوبه كبيره فى ايجاد  طالبات مصريات للمدرسه وتغلبت الحكومه وقتها  بشراء  10 فتيات  من الحبشه و السودان

( من سوق العبيد ) و والحقتهم  بالمدرسه وضمت الى المدرسة  اثنتين من الاغوات

( المظ و سليمان) من قصر  القلعة ، و فى سنه 1835 تم ضم  10 جوارى اخريات  ووصل عدد الطالبات لـ اثنين و عشرين و بعد ذلك  زاد العدد بضم  عشر فتيات  ايتام  صغار السن كانو مرضى وضمتهم  الحكومه لمدرسة الدايات لعدم سؤال اقاربهم عليهن .

كتب كلوت بك مؤلفات طبيه كتيره ، وكان الطبيب محمد الشافعى مترجمه الدايم.

كتبه الطبيه بالعربى

'"بواكير الطب الحديث" من اهم الكتب الطبيه عشان فيه معلومات فى مختلف فروع الطب

"القول الصريح فى علم التشريح", اتطبع سنة 1872

"مبلغ البراح فى علم الجراح"